სტაფილოკოკი და ფაგოთერაპია

რა არის სტაფილოკოკის ინფექცია?

სტაფილოკოკის ინფექცია გამოწვეულია ბაქტერიული გენებისგან, რომელიც Staphylococcus-ის სახელით არის ცნობილი. გავრცელებულია 30-ზე მეტი სახეობის სტაფილოკოკური ბაქტერია. ყველაზე გავრცელებულია Staphylococcus aureus (ოქროსფერი სტაფილოკოკი), რომელსაც ადამიანის ორგანიზმში სერიოზული დაავადებების გამოწვევა შეუძლია.

სხეულის რა ადგილას შეიძლება გავრცელდეს სტაფილოკოკის ბაქტერიული ინფექცია?

• კანი – ყველაზე ხშირად ოქროსფერი სტაფილოკოკი იწვევს კანის ინფექციას, რა დროსაც სხეულზე ჩნდება წყლულები, ბუშტუკები და სიწითლე. კანის ინფექცია შესაძლოა გაჩნდეს ყველგან: ტანზე, კიდურებსა და სახის მიდამოებში.
• მკერდი – მეძუძურ ადამიანებში ოქროსფერი სტაფილოკოკის გაჩენისას შესაძლოა განვითარდეს მასტიტი, რაც იწვევს შეშუპებას და მკერდის არეში ჩიქრის დაგროვებას.
• საჭმლის მომნელებელი სისტემა – ოქროსფერი სტაფილოკოკით დაავადებული საკვების მიღებისას შესაძლოა ორგანიზმში გამოიწვიოს ინფექციის გავრცელება, რასაც თან სდევს ძლიერი ღებინება და დიარეა.
• ძვლები – ბაქტერიას შეუძლია დააინფიციროს ძვლები და გამოიწვიოს ანთება და ტკვილი.
• ფილტვები და გული – თუ ბაქტერია ფილტვებში მოხვდება , შესაძლოა გამოიწვიოს პნევმონია და სუნთქვითი პრობლემები. ამ დროს ასევე რისკია, რომ ბაქტერიამ დააზიანოს გულის სარქველები და გამოიწვიოს გულის უკმარისობა.
• სისხლი – ოქროსფერი სტაფილოკოკის ბაქტერიის სისხლში მოხვედრის შემთხვევაში ორგანიზმში შესაძლოა დაიწყოს სერიოზული ინფექცია – სეპტიცემია (სისხლის მოწამვლა)

სტაფილოკოკის ინფექციის რისკ ჯგუფები

მიუხედავად იმისა, რომ ყველას შეიძლება შეხვდეს სტაფილოკოკის ბაქტერია, გარკვეული ადამიანების ჯგუფში გავრცელების უფრო დიდი რისკია. მაგალითად ყველაზე ხშირად კანზე სტაფილოკოკი ვრცელდება იმ ადამიანებში, ვინც საავადმყოფოებში მუშაობენ. სტაფილოკოკური ინფექციები ყველაზე ხშირად გვხვდება:

• ჰოსპიტალიზირებულ ადამიანებში – ვისაც ახალი გაკეთებული აქვს ოპერაცია, აქვს ღია ჭრილობა ან კათეტერი
• მათ ვისაც ქრონიკული სისხლძარღვების პრობლემა აქვთ
• დიაბეტით დაავადებულებში
• სუსტი იმუნური სისტემის მქონე ადამიანებში
• მეძუძურ დედებში
• თანდაყოლილი გულის პრობლემის მქონე ადამიანებში
• ჰიგიენის დაუცველობით
• ადამიანებში ვინც მოიხმარენ ნარკოტიკებს

სტაფილოკოკის დიაგნოზირება

სტაფილოკოკის დადგენისთვის როგორც წესი საჭიროა ნიმუშების აღება. თუ პაციენტს აღენიშნება ოქროსფერი სტაფილოკოკის  კანის დაავადება, მაშინ კანიდან ხდება ნიმუშის აღება. თუ ბაქტერია საჭმლის მომნელებელ სისტემაშია ამ შემთხვევაში ნიმუში განავლიდან აიღება. მასტიტის შემთხვევაში ლაბორატორიაში რძის ნიმუშის გადაგზავნა ხდება. ასევე შესაძლებელია შარდის ან სისხლის ნიმუშებით დადგინდეს სტაფილოკოკის ბაქტერიის არსებობა. ლაბორატორიაში ასევე კეთდება ცხვირ-ხახის ნაცხის გამოკვლევა, რათა დადგინდეს ბაქტერიის არსებობა.

ფაგოთერაპია და სტაფილოკოკის მკურნალობა

ფაგოთერაპია ბაქტერიული ინფექციის მკურნალობის უსაფრთხო და უპრეცედენტოდ ეფექტური საშუალებაა. ფაგებით მკურნალობის დროს პრეპარატი ებრძვის მხოლოდ დაავადების გამომწვევ მავნე ბაქტერიას და არ აზიანებს სასარგებლო მიკროფლორას.

მსოფლიოში ანტიბიოტიკო რეზისტენტობის მწვავე პრობლემაა. ანტიბიოტიკების არამიზნობრივი და ჭარბი გამოყენების შედეგად, ორგანიზმში ბაქტერიები განიცდიან მუტაციას და ანტიბიოტიკებით მკურნალობა არაეფექტური ხდება, რამაც შესაძლოა სერიოზული საფრთხე შეუქმნას ადამიანის ჯანმრთელობასა და სიცოცხლეს. მედიცინაში სტაფილოკოკური ბაქტერიის ინფექციის წინააღმდეგ ეფექტურად გამოიყენება ფაგებით მკურნალობა.

ფაგები არიან ბუნებრივი მიკროორგანიზმები, რომლებიც ბაქტერიას აინფიცირებენ, ებრძვიან და მათ მთლიანად აქრობენ.

ფაგესტაფი

ფაგესტაფი კომპანია ბიოქიმფარმის (ფაგების საამქრო) მიერ წარმოებული პროდუქტია, რომელიც ფაგებით მკურნალობის გამორჩეულ პროდუქტს წარმოადგენს საქართველოსა და მსოფლიო ფაგოთერაპიის სამყაროში.

ფაგესტაფი ეფექტურად გამოიყენება ოქროსფერი სტაფილოკოკის წინააღმდეგ. პრეპარატს არ გააჩნია გვერდითი მოვლენები, არ შეიცავს არომატიზატორებსა და საღებავებს, პრეპარატის შემადგენელი კომპონენტები არ წარმოადგენს გენმოდიფიცირებულ ორგანიზმებს. სწორედ აღნიშნული განაპირობებს ფაგიოს უპრეცედენტოდ მაღალი დონის უსაფრთხოებას.