სიახლეები

პროდუქტები

10 აგვისტო, 2022

რა არის სტომატიტი? სიმპტომები და ფაგებით მკურნალობა

რა არის სტომატიტი?

სტომატიტი არის პირის ღრუს ანთება, რომელმაც შესაძლოა დისკომფორტი გამოიწვიოს ჭამის, საუბრის ან ძილის დროს. სტომატიტი შესაძლოა განვითარდეს პირის ღრუს ნებმისმიერ ადგილზე: ლოყებზე, ღრძილებზე, ენაზე, ტუჩსა და სასის მიდამოებში. სტომატიტმა შესაძლოა გამოიწვიოს პირის ღრუში ერთჯერადი ან მრავალჯერადი თეთრი დაზიანებების და მტკინვეული წყლულების გაჩენა.

რა იწვევს სტომატიტს?

არსებობს სტომატიტის ორი ძირითადი ტიპი: ჰერპესული სტომატიტი (წყლულები) და აფთოზური სტომატიტი. ჰერპესული სტომატიტი გამოწვეულია მარტივი ჰერპეს ვირუსით, ხოლო აფთოზური სტომატიტი, როგორც წესი , გამოწვეულია პირის ღრუს ცუდი ჰიგიენით ან ლორწოვანი გარსის ტრავმებით.

სტომატიტის მიზეზი შესაძლოა გახდეს:

    • ბაქტერიული ინფექციები
    • სისტემური დაავადებები (ნაწლავის ანთება)
    • კვების დეფიციტი (B12 ვიტამინის ნაკლებება)
    • პირის ღრუს ფიზიკური გაღიზიანება
    • პირის ღრუს ქიმიური დანამატებით გაღიზიანება (პირის ღრუს მოვლის საშუალებები)
    • ალერგიური რეაქცია
    • თამბაქოს მოხმარება
    • ქიმიოთერაპია
    • სხივური თერაპია

სტომატიტის სიმტპომები

სტომატიტის სიმპტომები და ძირითადი დამახასიათებელი ნიშნებია წითელი ლაქები და ბუშტუკები პირის ღრუში ან პირის ღრუს შეშუპება. სიმპტომებს შესაძლოა თან ახლდეს წვის შეგრძნება და წყლულების გამრავლება. წყლულებს როგორც წესი აქვს თეთრი ან ყვითელი ფენა და ძირითადად ჩნდება ტუჩის, ლოყის, ღრძილების ან ენის მიდამოებში. სტომატიტის სიმპტომი ასევე შესაძლოა იყოს ღრძილების შეშუპება და ძლიერი ტკივილი.

 

ფაგიო – სტომატიტის ფაგებით მკურნალობა

სტომატიტი ხშირად გამოწვეულია ბაქტერიული ინფექციით, შესაბამისად მისი მკურნალობისა და პრევენციისთვის ეფექტური გზაა ფაგოთერაპია. სტომატიტის დროს ფაგიო ებრძვის მხოლოდ დაავადების გამომწვევ მავნე ბაქტერიას და ის მას მთლიანად სპობს.

პრეპარატის უნიკალური ბუნებრივი მახასიათებლებიდან გამომდინარე ფაგიო® გამოიყენება როგორც მოზრდილებში, ისე პატარებში სიცოცხლის პირველივე დღეებიდან, ასევე ორსულობასა და ლაქტაციის პერიოდში. პრეპარატს არ გააჩნია გვერდითი მოვლენები, არ შეიცავს არომატიზატორებსა და საღებავებს, პრეპარატის შემადგენელი კომპონენტები არ წარმოადგენს გენმოდიფიცირებულ ორგანიზმებს.

ფაგიო® კომპანია ბიოქიმფარმის (ფაგების საამქრო) მიერ წარმოებული პროდუქტია, რომელიც ფაგებით მკურნალობის გამორჩეულ პროდუქტს წარმოადგენს. დეტალური ინფორმაციის მისაღებად, გთხოვთ, გაეცნოთ ანოტაციას.

 

გააზიარე