კომპანიამ „ბიოქიმფარმი“, როგორც ევროპის ბიზნეს ასოციაციის პარტნიორმა, მონაწილეობა მიიღო ფორუმში და წარსდგა საკუთარი პროდუქციით დამსწრე საზოგადოების წინაშე.

რატი ღოლიჯაშვილმა, კომპანიის გენერალურმა მენეჯერმა, მონაწილეობა მიიღო საპანელო დისკუსიებში და გაუზიარა აუდიტორიას საკუთარი გამოცდილება ევროპული სტანდარტების დანერგვის პროცესში გამოწვევევების, ევროპული მხარდაჭერის, 500 მილიონიანი ბაზრის ათვისების შესაძლებლობასა და საქართველოს ევროპულ ოჯახში გაწევრიანების გარდაუვალობის შესახებ. ასევე ისაუბრა ფაგებზე და მათ მნიშვნელობაზე საქართველოსთვისა და მსოფლიოსთვის, ანტიბიოტიკო-რეზისტენტობასთან ბრძოლის მიმართულებით.

ფორუმს ესწრებოდა 300-ზე მეტი ადამიანი, მათ შორის ევროკავშირის ელჩი საქართველოში – კარლ ჰარცელი, საქართველოს პარლამენტის წევრები, მთავრობის წარმომადგენლები, ბიზნესის მხარდამჭერი ორგანიზაციები, ევროპული ბიზნესის წარმომადგენლები სხვადასხვა სექტორიდან, დიპლომატიური კორპუსი, საერთაშორისო ორგანიზაციები და ფინანსური ინსტიტუტები.