კომპანია „ბიოქიმფარმმა“ მონაწილეობა მიიღო ევროპის რეკონსტრუქციისა და განვითარების ბანკის (EBRD) მიერ ორგანიზებულ სიმპოზიუმზე, რომელიც ანტიბიოტიკორეზისტენტობის (AMR) წინააღმდეგ იყო მიმართული.

AMR, რომელიც მსოფლიოს ერთ-ერთი ყველაზე კრიტიკული პრობლემაა, მსოფლიო ჯანდაცვის ორგანიზაციამ (WHO) გლობალურ საფრთხედ დაასახელა. „ბიოქიმფარმის“ გენერალურმა მენეჯერმა, რატი ღოლიჯაშვილმა, წარადგინა უნიკალური ფაგების ტექნოლოგია და ბიოქიმფარმის ისტორიული საწარმოს მოდერნიზაციის წარმატებული პროექტი.

სიმპოზიუმი 18 აპრილს, დიდი ბრიტანეთის დედაქალაქ ლონდონში EBRD-ის სათაო ოფისში გაიმართა.