ფაგების მწარმოებელი ქართული კომპანია “ბიოქიმფარმი” დაჯილდოვდა ევროკავშირის კვლევისა და ინოვაციის ჩარჩო პროგრამის “Horizon Europe – ჰორიზონტი ევროპა”-ის სერტიფიკატით, როგორც მეცნიერებისა და ინოვაციის პროგრამის ერთ-ერთი ყველაზე აქტიური განმცხადებელი, მონაწილე და ბრწყინვალების სიგელის (SEAL OF EXCELLENCE) 3 გზის მფლობელი.

პროგრამაში მონაწილეობის მიზანია საქართველოს, როგორც ფაგების სამშობლოს, პოზიციონირება მსოფლიო ანტიმიკრობული რეზისტენტობის (AMR) პრობლემისა და გამოწვევის წინააღმდეგ ბრძოლაში.

ჰორიზონტი ევროპას პროგრამა მხარს უჭერს ევროკავშირის პოლიტიკით შექმნილი კვლევებისა და ინოვაციების განხორციელებას. ასევე პარტნიორ ქვეყნებს შორის თანამშრომლობის გაღრმავებას ახალი ცოდნისა და ტექნოლოგიების შექმნისა და გავრცელების გზით.