ექიმი-ინფექციონისტი, ალექსანდრე გოგინავა საუბრობს ზაფხულის სეზონის ნაწლავურ ინფექციებზე, ფაგიო^®-ს უპირატესობებსა და ანტიბიოტიკოთერაპიის არარაციონალურ გამოყენებაზე.

ზაფხულის სეზონზე რამდენად აქტუალურია ნაწლავური ინფექციები

„ზოგადად აღვნიშნავ, რომ ნაწლავური ინფექციები ყველა სეზონზეა აქტუალური, თუმცა ზაფხულის სეზონი გამორჩეულია, რადგან შემთხვევების უმრავლესობა გვხვდება სწორედ ცხელ სეზონზე – დაწყებული გვიან გაზაფხულიდან – ადრეულ შემოდგომამდე. ამის მთავარი მიზეზებია:

• ზაფხულის სეზონზე იზრდება მობილობა და ადამიანებს უფრო მჭიდრო კონტაქტები აქვთ ერთმანეთთან.
• თბილი კლიმატი არის იმ ბაქტერიების გამრავლებისთვის კარგი გარემო, რომლებიც იწვევენ გასტროინტესტინალურ ინფექციებს.
• ზღვის სეზონზე დაბინძურებული წყლის გამო რთულდება ჰიგიენური ნორმების დაცვა.
• იზრდება მალფუჭებადი პროდუქტებით საკვებისმიერი ინტოქსიკაციის რაოდენობა.

მნიშვნელოვანია ზაფხულის სეზონზე მოვახდინოთ ნაწლავური ინფექციების პრევენცია ან დროული დიაგნოსტირება და შესაბამისი მკურნალობის ჩატარება.“

ნაწლავური ინფექციები ბავშვებში: ასაკობრივი კატეგორია, სიმპტომები და რისკ ჯგუფები

„ნაწლავური ინფექციები განსაკუთრებით საყურადღებოა რისკ ჯგუფებში, რომლებშიც შედიან მცირეწლოვანი ბავშვები (2 წლამდე ბავშები), ასევე ქრონიკული დაავადებებისა და იმუნოდეფიციტის მქონე ადამიანები. ნაწლავურ ინფექციებს აქვს უნარი, რომ რისკ ჯგუფებში შემავალ ადამიანებში სწრაფად დამძიმდეს სიტუაცია, გამოიწვიოს დეჰიდრაცია და ელექტროლიტური დისბალანსი.აქედან გამომდინარე, უმნიშვნელოვანესია მცირეწლოვან ბავშებსა და სხვა რისკ ჯგუფებში დროულად მოხდეს დიაგნოსტირება და ნაწლავური ინფექციების პრევენცია.

ნაწლავურ ინფექციებს როგორც წესი ახასიათებს სხვადასხვა სიმპტომები: ნაწლავთა გახშირებული მოქმედება, ფაღარათი, დიარეა, გულისრევა, ღებინება და ტემპერატურა. ეს არის ის საერთო ნიშნები, რომლითაც ჩვენ შეგვიძლია ნაწლავური ინფექციების ამოცნობა.“

ანტიბიოტიკებით მკურნალობა და მოსალოდნელი შედეგები

„ანტიბიოტიკებით მკურნალობა ძალიან მნიშვნელოვანია, თუმცა არის ძალიან საყურადღებო ფაქტორიც: ზოგიერთი ბაქტერიული ინფექციის დროს არ არის რეკომენდებული ანტიბაქტერიული მკურნალობის დაწყება. ანტიბიოტიკოთერაპია ყოველთვის შერჩეული უნდა იქნას სპეციალისტის მხრიდან საერთო კონტექსტის გათვალისწინებით. ამიტომ ჩვენ მოსახლეობას მოვუწოდებთ, რომ თვითნებურად ნუ მიიღებენ ანტიბიოტიკებს, რადგან განსაკუთრებით ნაწლავურ ინფექციებთან მიმართებაში, შესაძლოა გამოიწვიოს უკურეაქცია და ხელი შეუწყოს დაავადების დამძიმებას ან ვერ მივიღოთ სასურველი შედეგი.“

ფაგიო^® – ანტიბიოტიკის ბუნებრივი და უსაფრთხო ალტერნატივა

„ფაგიო^® და ფაგი არის მედიცინაში ახალი სიტყვა, რომელიც დარწმუნებული ვარ რაც უფრო დრო გავა კიდევ უფრო თვალსაჩინო გახდება. ფაგიო^®-ს გამოყენება ძალიან ეფექტურია, როგორც სამკურნალოდ ასევე სხვადასხვა ინფექციების პრევენციისთვის. გარკვეულ შემთხვევებში, როდესაც ამა თუ იმ ლოკალურ ინფექციაზე გვაქვს ეჭვი, ანტიბიოტიკოთერაპიის დაწყებამდე, ფაგების გამოყენებას აქვს დიდი პოტენციალი: მოახდინოს დაავადების პროგრესირების შეჩერება, პრევენცია ან ალაგება. აქედან გამომდინარე უმნიშვნელოვანესია ფაგოთერაპიის უფრო ფართომასშტაბიანი დანერგვა.

ფაგიო^® გახლავთ საკმაოდ ეფექტური და მასთან ერთად უსაფრთხო პრეპარატი, რომელიც უკვე მრავალი წლის განმავლობაში გამოცდილია სხვადასხვა კვლებებით და პრაქტიკაში გამოიყენება ექიმების მიერ.”