სიახლეები

პროდუქტები

26 აგვისტო, 2022

რა არის ბრონქიტი? სიმპტომები და ფაგებით მკურნალობა

რა არის ბრონქიტი სიმპტომები და ფაგებით მკურნალობა

რა არის ბრონქიტი?

ბრონქიტი არის სასუნთქი გზების, კერძოდ ბრონქების ლორწოვანი გარსის ანთება, რომელიც იწვევს  ხველას. ბრონქიტი შეიძლება იყოს მწვავე (მოკლევადიანი), ან ქრონიკული (გრძელვადიანი).

 

სასუნთქ სისტემაში  ბრონქები ჰაერგამტარი გზების ნაწილია, რომლის ძირითად ფუნქციას წარმოადგენს ჰაერის გატარება ფილტვების სასუნთქი ზედაპირისკენ და პირიქით, ასევე ბრონქების ერთ-ერთი მნიშვნელოვანი ფუნქციაა სასუნთქი სისტემის პერიფერიული ნაწილების დაცვა მათში მიკრობების და სხვადასხვა გამღიზიანებლების მოხვედრისაგან.

 

ბრონქიტის დროს ბრონქების ზედაპირზე ანთებითი პროცესების გამო ჰაერგამტარ გზებში დიდი რაოდენობით ლორწო წარმოიქმნება. ამ დროს ორგანიზმი ხველის საშუალებით ცდილობს გამოდევნოს წარმოქმნილი ლორწო. სწორედ ამიტომ ბრონქიტის დროს ხველას შეიძლება თან ახლდეს ლორწოს (ნახველის) გამოყოფა.

 

უმეტეს შემთხვევაში ბრონქიტი გამოწვეულია ვირუსული ინფექციით, თუცა ვირუსის მიერ წარმოქმნილმა ჭარბმა ლორწომ შესაძლოა დააზიანოს ბრონქული მილები და ხელი შეუწყოს ბაქტერიული ინფექციის განვითარებასაც.


ბრონქიტის შემთხვევები

 

სტატისტიკური მონაცემების თანახმად, ყოველწლიურად ზრდასრულთა დაახლოებით 5%-ს  აღენიშნება მწვავე ბრონქიტის ეპიზოდი. მათგან დაახლოებით 90% მიმართავს სამედიცინო დაწესებულებებს. ხოლო ქრონიკული ბრონქიტის შემთხვევები მერყეობს 3%-დან 7%-მდე. ქრონიკული ბრონქიტი უფრო ხშირია 40 წლის და უფროსი ასაკის ადამიანებში. ის უფრო მეტად გავრცელებულია ქალებში, ვიდრე მამაკაცებში ყველა ასაკობრივ ჯგუფში.

 

 

 

ბრონქიტის გამომწვევი მიზეზები

 

  • ვირუსები (მაგ.: influenza virus A, B, parainfluenza, rhinovirus )
  • ბაქტერიები (მაგ.: Streptococcus pneumonia, Staphylococcus aureus და სხვა).
  • სოკოები
  • ჰაერში არსებული სხვადასხვა გამღიზიანებელი (მაგ.: მტვერის ნაწილაკები, ტოქსიკური ქიმიკატები და სხვა)
  • სიგარეტის კვამლის ზემოქმედება აქტიური მოწევის ან პასიური ინჰალაციის გამო
  • სუსტი იმუნური სისტემა
  • წარსულში გადატანილი მძიმე ინფექცია, რომელმაც დააზიანა ფილტვები
  • ფილტვების გენეტიკური დაავადებები
  • დაბლოკილი სასუნთქი გზები
  • სიმსივნური წარმონაქმნი ფილტვებში

 

 


ბრონქიტის ძირითადი სიმპტომები:

 

  • ხველა
  • ლორწოს (ნახველის) გამოყოფა, რომელიც შეიძლება იყოს გამჭვირვალე, თეთრი, მოყვითალო-ნაცრისფერი ან მწვანე ფერის, იშვიათად შეიძლება იყოს სისხლის შემცველი
  • გულმკერდის ტკივილი და შებოჭილობა
  • სუნთქვის გაძნელება
  • ხიხინი
  • წონის დაკლება
  • დაღლილობა
  • ცხელება
  • ქოშინი
  • ოფლიანობა 

ბრონქიტი და ფაგებით მკურნალობა – ფაგიო

ფაგოთერაპია ბაქტერიული ინფექციის მკურნალობის  ეფექტური საშუალებაა. ფაგებით მკურნალობის დროს პრეპარატი ებრძვის მხოლოდ დაავადების გამომწვევ მავნე ბაქტერიებს და არ აზიანებს სასარგებლო მიკროფლორას.

 

მსოფლიოში ანტიბიოტიკო რეზისტენტობის მწვავე პრობლემაა. ანტიბიოტიკების არამიზნობრივი და ჭარბი გამოყენების შედეგად, ორგანიზმში ბაქტერიები ხდებიან რეზისტენტული ანტიბიოტიკების მიმართ, რამაც შესაძლოა სერიოზული საფრთხე შეუქმნას ადამიანის ჯანმრთელობასა და სიცოცხლეს.

ფაგიო® არის ბიოლოგიური, უსაფრთხო, ბუნებრივი ფაგებისგან წარმოებული პრეპარატი. ის არ შეიცავს არომატიზატორებსა და საღებავებს, პრეპარატის შემადგენელი კომპონენტები არ წარმოადგენს გენმოდიფიცირებულ ორგანიზმებს.


ბრონქიტის მკურნალობის დროს რეკომენდირებულია ფაგის პრეპარატის – ფაგიო®-ს გამოყენება იმ შემთხვევაში, თუ ბრონქიტის გამომწვევი მიზეზი არის ბაქტერიული აგენტი, რომელიც მგრძნობიარეა პრეპარატში შემავალი ფაგების მიმართ და ასევე, ფაგიო®-ს გამოყენება შესაძლებელია მაშინაც კი, როდესაც მისი გამომწვევი ეტიოლოგიური აგენტი არ არის ბაქტერია, ამ დროს პრეპარატი შეიძლება გამოყენებული იყოს სასუნთქ გზებში ბაქტერიული ინფექციების განვითარების პრევენციის მიზნით.

 

ფაგიო®

ფაგიო® გამოიყენება ბაქტერიებით გამოწვეული ზედა და ქვედა სასუნთქი გზების, ყელ-ყურ-ცხვირის ინფექციების მკურნალობისა და პრევენციის მიზნით.

სასუნთქი გზების დაავადებები:

  • ბრონქიტი
  • ტონზილიტი
  • სინუსიტი
  • ლარინგიტი
  • ფარინგიტი

ფაგიო® კომპანია ბიოქიმფარმის (ფაგების საამქრო) მიერ წარმოებული პროდუქტია, რომელიც ფაგებით მკურნალობის გამორჩეულ პროდუქტს წარმოადგენს. დეტალური ინფორმაციის მისაღებად, გთხოვთ, გაეცნოთ ანოტაციას.

გააზიარე